BÆKUR

Magnús Ólafsson   
   ljósmyndari        

Gefin út í tengslum við yfirlitssýningu á verkum Magnúsar Ólafssonar þann 27. sept. til 1. des 2003 í Ljósmyndasafni Reykjavíkur.  

Í þessari veglegu bók sem kostuð er af afkomendum þessa merka ljósmyndara er að finna 108 ljósmyndir eftir Magnús í gæðaprentun, teknar á fyrstu þremur áratugum 20. aldarinnar.  Ljósmyndir hans vega salt milli heimildagildis og ævintýris og veita okkur einstæða sýn inn í horfinn heim og bregða upp svipmyndum frá tímabili sem samhliða tækniframförum einkenndist af þjóðfélagsbreytingum og þróun borgarsamfélags í Reykjavík. 

Auk ljósmyndanna er að finna í bókinni greinar eftir Eirík Guðmundsson útvarpsmann og Guðmund Ingólfsson ljósmyndara.

Bókin verður til sölu í helstu bókabúðum landsins og einnig má nálgast hana á Ljósmyndasafni Reykjavíkur. Verð: 3.950 kr

Móðirin í íslenskum ljósmyndum     

Í desember árið 2000 gaf Ljósmyndasafn Reykjavíkur út bókina Móðirin í íslenskum ljósmyndum. Í þessari ljósmyndabók er leitast við að setja fram sögulegt yfirlit íslenskra ljósmynda þar sem móðirin er myndefnið, allt frá lokum 19. aldar til nútíðar, og lögð áhersla á ljósmyndir bæði sem heimild og listrænan miðil. 

Í bókinni eru birtar á íslensku og ensku greinarnar „ Lengi man móðir. Um mæður í íslenskum ljósmyndum“ eftir Önnudís G. Rudólfsdóttur félagssálfræðing og „Ágrip af sögu ljósmyndunar” eftir Guðbrand Benediktsson, sagnfræðing. Hanna Guðlaug Guðmundsdóttir, listfræðingur, ritstýrði.

Móðirin í íslenskri ljósmyndun hefur að geyma hátt á þriðja hundrað ljósmyndir, frá rúmlega fimm tugumatvinnuljósmyndara og fjölda áhugaljósmyndara.

Um útgáfuna sá Ljósmyndasafn Reykjavíkur og var hún framlag þess á dagskrá hjá M-2000.  

Tilboðsverð 1.000 kr