Ljósmyndasafn Reykjavíkur - Fyrirlestraröð


	*FYRIRLESTRAR* *Fyrirlestraröð Ljósmyndasafns Reykjavíkur í minningu Magnúsar Ólafssonar* Árlega heldur Ljósmyndasafn Reykjavíkur fyrirlestur í minningu Magnúsar Ólafssonar ljósmyndara. Fyrirlesturinn er fluttur 10. maí, á fæðingardegi Magnúsar og eru síðan gefnir út að ári, við sama tilefni. Fyrsti fyrirlesturinn var fluttur árið 1998 og hafa því verið haldnir alls fimm fyrirlestrar. *Magnús Ólafsson* (10.maí 1862 – 26.júlí 1937) Magnús Ólafsson lagði stund á undirstöðufræði ljósmyndunar á ljósmyndastofu Sigfúsar Eymundssonar í Reykjavík og hjá danska hirðljósmyndaranum Peter Elfelt í Kaupmannahöfn árið 1901. Í Kaupmannahöfn keypti Magnús sér fullkomin tæki til ljósmyndunar og setti upp ljósmyndastofu í Reykjavík skömmu síðar í Templarasundi 3. Magnús ferðaðist víða um land og var einn af brautryðjendum í töku landslagsmynda hér á landi. Jafnframt var Magnús fyrstur til að framleiða stereóskópmyndir, einkum landslagsmyndir,sem vöktu mikla athygli, innan lands sem utan, á íslenskri náttúrufegurð. Þá var Magnús fyrstur íslenskra ljósmyndara að lita stækkaðar ljósmyndir og notaði til þess vatnsliti. Magnús skrifaði handbók fyrir áhugaljósmyndara á íslensku sem bar heitið Stafróf ljósmyndafræðinnar I. Stutt leiðbeining fyrir viðvaninga (1914). Þá sat hann lengi í stjórn Ljósmyndarafélags Íslands og var fyrsti formaður þess.
	*NAOMI ROSENBLUM* Stefnur í bandarískri ljósmyndun 1890-1945 Trends in American Photography,1890-1945 Fyrirlestur fluttur 10. maí 1998 (1:1998) Naomi Rosenblum er kunn fyrrir rannsóknir á sviði ljósmyndasögu. Meðal helstu verka hennar má nefna A World History of Photography (1981) og A History of Women Photography (1994). Verð 450 kr.
	*INGA LÁRA BALDVINSDÓTTIR* Magnús Ólafsson og framlag hans til íslenskrar ljósmyndunar Magnús Ólafsson and his Contribution to Icelandic Photography Fyrirlestur fluttur 10. maí árið 1999. Inga Lára Baldvinsdóttir er fædd 1956. Hún lauk B.A.-prófi í sagnfræði og fornleifafræði frá University College í Dublin árið 1979 og cand. mag. prófi í sagnfræði frá Háskóla Íslands árið 1984. Hún hefur séð um ljósmyndasýningar á vegum Þjóðminjasafns Íslands og Sjóminjasafnsins á Eyrarbakka, um myndaritstjórn fjölda bóka og skrifað greinar um ljósmyndasögu í íslensk og erlend blöð og tímarit. Verð 450 kr.
	*BOHNCHANG KOO* Stutt ágrip af kóreskri ljósmyndasögu og yfirlit yfir eigin verk A brief history of Korean photography followed by a look at my own work Bohnchang Koo fæddist árið 1953 í Seoul í Kóreu. Hann lauk námi í ljósmyndun frá Fachhochschule í Hamborg árið 1985. Hann hefur haldið fjölda fyrirlestra og kennt m.a í Central Saint Martin´s College of Art and Design í London. Hann er n ú prófessor við Kaywon School of Art and Design í útjarðri Seoul í Kóreu. Koo hefur haldið 11 einkasýningar á alþjóðavettvangi og tekið þátt í fjölda sýninga í Bandaríkjunum. Bohnchang Koo er einn af fremstu samtímaljósmyndurum Suður-Kóreu og hafa verk hans hvarvetna notið mikillar athygli. Hér reifar Koo fyrst stuttlega kóreska ljósmyndasögu og allar síðan um eigin verk. Verð 450 kr.
	*EINAR FALUR INGÓLFSSON* Dagbók í myndum A Visual Diary Fyrirlestur fluttur 10.maí árið 2001(4:2001) Sækja pdf-skjal Einar Falur fæddur er fæddur árið 1966. Hann hefur verið myndstjóri Morgunblaðsins frá árinu 1995. Fréttaritari, ljósmyndari í hlutastarfi, ljósmyndari í fullu starfi, blaðamaður, bókmenntarýnir hjá Morgunblaðinu 1980 – 1995. Einar Falur hefur skrifað í ýmis blöð og tímarit um myndlist, ljósmyndun og bókmenntir. Ljósmyndir hans hafa birst í blöðum og tímaritum á Íslandi og erlendis. Þá hefur Einar Falur myndað rithöfunda fyrir ýmsar útgáfur og gert myndafrásagnir víða, svo sem á Indlandi, í Kína, Bólivíu, Perú, Ástralíu, Bandaríkjunum, Kanada og Færeyjum MFA í ljósmyndun, School of Visual Arts, New York, 1995. Verð 450 kr.
	HASSE PERSSON Ljósmyndin sem fjárfesting (1905-2002) Fotografiet som samlerobjekt (1905–2002) Fyrirlestur fluttur 10. maí 2002 Sækja pdf-skjal Hasse Persson er einn þekktasti ljósmyndari Norðurlanda og á að baki langan og farsælan sýningaferil. Myndir Hasse hafa birst í blöðum og tímaritum á borð við LIFE, TIME, Newsweek og The New York Times. Undanfarin 5 ár hefur hann verið sýningastjóri fjölmargra ljósmyndasýninga, m.a. hjá Hasselblad Center í Gautaborg og Kulturhuset í Stokkhólmi en í dag gegnir Hasse stöðu sýningarstjóra og listræns stjórnanda hjá Hasselblad Center. Fyrirlesturinn var gefinn út þann 7. maí, 2003. Verð 450 kr.
	GUÐMUNDUR INGÓLFSSON Ólafur K. Magnússon sjónarvottur samtíðar / eyewitness of his time Sækja pdf-skjal Fyrirlestur fluttur 7. maí 2003 Ólafur K. Magnússon var ljósmyndari Morgunblaðsins í hálfa öld og jafnframt fyrstur Íslendinga til að gera blaðaljósmyndun að ævistarfi. Myndir hans eru einstök heimild um sögu og mótun íslensks samfélags á 20. öld Verð 450 kr.
	ASKO MÄKELA MAKING DREAMS The Breakthrough of Contemporary Photography in Finland Sækja pdf-skjal Fyrirlestur fluttur 10.maí 2004 Asko Mäkelä hefur gegnt stöðu safnstjóra The Finnish Museum of Photography frá árinu 1996. Hann hefur staðið fyrir alþjóðlegum ráðstefnum í safnstjórnun á menningararfi á stafrænum tímum. Asko hefur verið sýningarstjóri yfir 100 sýningum á samtímalist og unnið sem listgagnrýnandi (AICA). Verð 450 kr.

©Ljósmyndasafn Reykjavíkur / Reykjavik Museum of Photography

photomuseum@reykjavik.is