Ljósmyndasafn Reykjavíkur leggur ríka áherslu á safnfræðslu í starfsemi sinni. Safnfræðslan er skipulögð með það í huga að auka skilning og kunnáttu á söfnun bæði sögulegrar og samtímaljósmyndunar og færa nær almenningi.

Markmiðið með henni er að auðga og styðja kennslu í skólum jafnframt því ná til sem breiðasta hóps fólks, óháð aldri, félagslegum bakgrunni og getu einstaklinga, skapa vettvang fyrir umræðu ásamt því að þróa hjá nemendum gagnrýninn skilning á hugtökum og færni til að greina og túlka ljósmyndir.