BERGMÁL / ECHO

Charlotta María Hauksdóttir & Sonja Thomsen

Bergmál nefnist samsýning Charlottu Maríu Hauksdóttur og Sonju Thomsen sem sett er upp í Ljósmyndasafni Reykjavíkur. Sýningin samanstendur af einstökum verkum sem mynda órofa heild. Viðfangsefnið er tíminn og endurbirting hins liðna og má segja að titillinn vísi ekki aðeins til þess hvernig hið liðna endurvarpast inn í nútímann heldur einnig til þess hvernig verkin á sýningunni kallast á. Þær Charlotta María og Sonja stunduðu nám á sama tíma við San Fransisco Art Institute, þaðan sem þær útskrifuðust með MFA gráðu í ljósmyndun árið 2004.

Horfur, myndasería Charlottu Maríu Hauksdóttir, er tekin á Íslandi á níu mánaða tímabili, frá hausti 2008 til vors 2009. Hún er unnin á umbrotatímum á Íslandi og er sett upp í formi bókverks sem dregið er út eins og harmonikka. Við fyrstu sýn virðast myndirnar nánast vera eins en þegar vel er að gáð má greina muninn á árstíðunum sem og breytingar innandyra. Í Baksýnisspeglinum, röð mynda sem teknar eru af baksýnisspegli bíls, sjáum við tvö sjónarhorn samtímis; bæði það sem er að gerast fyrir framan og aftan.

Bandaríski ljósmyndarinn Sonja Thomsen sýnir okkur myndbrot úr lífi sem virðast við fyrstu sýn vera sprottin úr undirmeðvitundinni en öðlast nýja merkingu í meðförum áhorfandans eins og segir í texta Sigrúnar Sigurðardóttur menningarfræðings um sýninguna. Lacuna er innsetning á vegg og er sett þannig fram að nokkrar myndanna eru fjölfaldaðar í bunkum sem hægt er að rífa af og næla sér í eintak. Við hvert eintak sem er tekið minnkar bunkinn og næsta mynd verður daufari. Ripe er átján þátta myndskeið sem sýnt er á skjá á bak við falskan vegg þannig að áhorfandinn horfir á myndirnar í gegnum gat á veggnum. Við sjáum því aðeins brotabrot af því sem er á þeim en aldrei heildarmyndina. Í Proscenium er horft í gegnum glugga með útsýni yfir Mexíkóflóa og mynda gardínurnar einskonar ramma eða svið. Það sem áhorfandinn sér er kyrr mynd sem breytist hægt og bítandi líkt og hún klekjist út úr þeirri fyrri.

Charlotta María Hauksdóttir er ljósmyndari sem býr og starfar í Palo Alto í Kaliforníu. Hún útskrifaðist með MFA gráðu í ljósmyndun frá San Francisco Art Institute árið 2004, og BA í ljósmyndun frá Istituto Europeo di Design í Róm árið 1997.

Sonja Thomsen er hugmyndalistakona sem vinnur með ljósmyndir og innsetningar. Hún útskrifaðist með MFA gráðu í ljósmyndun frá San Francisco Art Institute árið 2004 og BA prófi í líffræði og listum frá Kenyon College árið 2000. Hún starfar í heimabæ sínum, Milwaukee Wisconsin.

Echo is the title of a two-woman exhibition by Charlotta María Hauksdóttir and Sonja Thomsen, mounted at the Reykjavík Museum of Photography. The exhibition comprises individual work creating an integral whole. The theme of the exhibition is time and reccurrence of the past thus the title is not only a reference to the way that the past resonates throughout the present, but also in the way that the works on display resonate with one another. Hauksdóttir and Thomsen both studied at the San Fransisco Art Intistute at the same time, graduating with MFA in Photography in 2004.

Charlotta María Hauksdóttir´s series Horfur/ Outlook is taken in Iceland over a nine-month period spanning from the autumn of 2008 to the spring of 2009. It was made during a turbulant time in Iceland and is in the shape of a book, which is folded out like an accordion. At first, the photos look practically the same but when thoroughly looked, seasonal changes as well as changes indoors can be detected. In Baksýnisspegillinn / Reflection, photo series taken of a car´s rearview mirror, we see two angles at the same time; both what is happening in front and behind.

The American photographer Sonja Thomsen allows us glimpses of a life which, at first sight, appears to spring out from the unconscious. She stirs involuntary memories, then asks the viewer to grant them new meaning as Sigrún Sigurðardóttir cand.mag in modern culture says in a text she writes about the exhibition. Lacuna is an installation on a wall. Some of the photographs are produced in stacks, glued together, so guests are invited to peel them off and have a copy for themselves. As the stack diminishes, next photo becomes more obscure. Ripe , is a sequence of 18 scenes on a monitor behind a drywall so the viewer looks at the images through a hole in the wall. We only see a tiny fragment of reality, never the full picture. In Proscenium we are looking out through a window to the Gulf of Mexico and the curtain is creating a frame or impersonating a stage. What we see is the still static image that slowly changes as the images kind of emerge from one another.

Charlotta María Hauksdóttir is a photographer, who lives and works in Palo Alto California. She graduated with MFA in Photography from San Fransisco Art Institute in 2004 and BA in Photography from Istituto Europeo di Design in Rom, Italy in 1997.

Sonja Thomsen is a conceptual artist working in photography and installation. She graduated with MFA in Photography from San Fransisco Art Institute in 2004 and BA in Biology and Arts from Kenyon College in 2000. She lives and works in her hometown Milwaukee í Wisconsin.