VIÐBURÐIR

Ýmsir viðburðir eru á boðstólnum hjá safninu allan ársins hring. Fastir liðir eru í tengslum við Menningarnótt sem haldin er í ágúst, Vetrarhátíð og Safnanótt í febrúar.

AUGLÝSINGA- OG IÐNAÐARLJÓSMYNDUN
Úr safneign Ljósmyndasafns Reykjavíkur

ADVERTISEMENT AND INDUSTRIAL PHOTOGRAPHY
From the Reykjavik Museum of Photography´s collection

Sýning í Fógetastofum, Aðalstræti 10
16.febrúar – 17.mars 2010

Exhibition in Fógetastofur, Aðalstræti 10, Reykjavík
16.February – 17.March 2010

Bromoil – ljósmyndasmiðja Í Ljósmyndasafni Reykjavíkur 16 – 20 ágúst 2010

Reykjavik Museum Of Photography Bromoil Workshop
August 16 – 20, 2010

Mynd / Photo: David W. Lewis, Seven Mile Creek, Virginia

Ljósmyndasafn ReykjavíkurReykjavik Museum of Photography Tryggvagata 15 6. Hæð /6th floor 101Reykjavík, Ísland /Iceland
Skráning á námskeiðið / Contact: Jóna Þorvaldsdóttir: jona@jd.is

Kennari ljósmyndasmiðjunnar / Workshop instructor: David W. Lewis www.bromoil.com

12.febrúar 2010

DAGSKRÁ

kl. 20:00 – 23:00		SÍGILDAR LJÓSMYNDUNARAÐFERÐIR / ALTERNATIVE PHOTOGRAPHY
		Jóna Þorvaldsdóttir gefur gestum og gangandi innsýn í töfraheim sígildra ljósmyndunaraðferða. Jóna Þorvaldsdóttir leads guests into the magical world of alternative photography.
kl. 20:00 – 23:00		SVIÐSETT LJÓSMYNDUN – IKAE & DA BOYZ / STAGED PHOTOGRAPHY– IKAE & DA BOYZ
		Oddvar verður á staðnum og segir frá vinnuferlinu hvernig hann vinnur sínar litríku og gáskafullu ljósmyndir. Oddvar will be at the museum and talks about the working procedure of his colourful and playful photographs.
kl. 20:45– 21:15		ANDSTÆÐUR / OPPOSITES
		Þriðja árs nemar frá Klassíska Listdansskólanum sýna verk innblásið af sýningunum SKYNJANIR og GENGIÐ AÐ VERKI Third year students from the School of Classical Ballet show a piece inspired by the exhibitions SENSES and AT WORK
kl. 19:00 – 24:00		KAFAÐ Í SAFNKOST / DIVING INTO THE COLLECTION
		Hjálpaðu okkur að þekkja fólk og staði á ljósmyndunum. Þekkirðu umhverfið eða manneskjuna á myndinni? Help us recognize people and places on the photographs. Do you know the surroundings or the people on the photo?

Frekari upplýsingar um Safnanótt

Dorothea Lange, Migrant mother, 1936.

Endurnýjun ljósmyndunar á krepputímum
“Hard Times – Photography and Renewal”

Blaðaljósmyndarafélag Íslands stendur fyrir fyrirlestrum í Ljósmyndasafni Reykjavíkur næstkomandi laugardag 9. janúar klukkan 13:30.

Max Houghton er ritstjóri hins virta tímarits 8 Magazine sem gefið er út af Foto8, og deildarstjóri yfir MA Photojournalism við University of Westminster í London. Hún verður hér á landi um næstkomandi helgi vegna forvals í árlega keppni Blaðaljósmyndarafélags Íslands, “Myndir Ársins” og mun af því tilefni halda fyrirlestur í húsakynnum Ljósmyndasafns Reykjavíkur á laugardaginn klukkan 13.30.

Fyrirlesturinn er á ensku og ber titilinn “Hard Times – Photography and Renewal” (Endurnýjun ljósmyndunar á krepputímum) og fjallar um breytingar á fréttaljósmyndun í Bandaríkjunum í kringum síðustu heimskreppu. Fjallað verður um hvernig ljósmyndun getur verið notuð til að ögra hinu kyrrbundna. Með því að fjalla um ögrandi ljósmyndir ameríska ljósmyndarans Walker Evans og ritverk samverkamanns hans James Agee ásamt því að skoða ljósmyndir Roy DeCarava frá Harlem á fimmta áratugnum, mun hún að benda á hvernig ögrandi og skýr ljósmyndaverkefni geta haft áhrif til breytinga.

Á eftir fyrirlestri Max munu Brynjar Gunnarsson (Billi) og Árni Torfason ljósmyndarar fjalla um ljósmyndafrásagnir og muninn á þeim og myndröðum. Fjallað verður um hvernig dagblöð og tímarit geta nýtt sér ljósmyndafrásagnir á sínum síðum. Einnig verður fjallað um hvernig best er byggja þær upp og hvaða viðfangsefni henta best.

Fyrirlestrarnir eru öllum opnir og er ókeypis inn. Starfsmenn á ritstjórn dagblaða eru sérstaklega hvattir til að mæta og kynnast nýjum hugmyndum um notkun ljósmynda í fréttamennsku.

Max Houghton er ritstjóri Foto8 tímaritsins í London sem sérhæfir sig í fréttaljósmyndun og birtingu á myndasögum. Max er einnig deildarstjóri yfir Photojournalism við University of Westminster.

Brynjar Gunnarsson (Billi) hefur verið starfandi fréttaljósmyndari í 11 ár bæði á dagblöðum og sjálfstætt starfandi. Hann hefur unnið fyrir fjölda blaða hér á landi og erlendis, meðal annars: The Guardian og Observer í Englandi, National Geographic í Póllandi, AP og Fréttablaðið. Brynjar er með MA gráðu í fréttaljósmyndun.

Árni Torfason er sjálfstætt starfandi ljósmyndari. Hann hefur unnið til fjölda viðurkenninga á sýningum Blaðaljósmyndarafélags íslands. Meðal annars hefur hann fengið verðlaun í flokkunum „Mynd ársins“, „Íþróttamynd ársins“ og „Landslagsmynd ársins“. Árni hefur meðal annars unnið fyrir AP, Getty, The Guardian og Morgunblaðið.

Nánari upplýsingar veita Billi: 861-1378 og Árni: 869-5330

Opnunartímar Ljósmyndasafns Reykjavíkur yfir hátíðarnar

23. desember Safnbúð og skrifstofur opið 10-16 Sýningar 12-19
24. desember lokað
25. desember lokað
26. desember lokað
27. desember lokað
28. desember Safnbúð og skrifstofur opið 10-16 Sýningar 12-19
29. desember Safnbúð og skrifstofur opið 10-16 Sýningar 12-19
30. desember Safnbúð og skrifstofur opið 10-16 Sýningar 12-19
31. desember lokað
1. janúar lokað

FRANSKIR STRAUMAR Í LJÓSMYNDASAFNINU

MA FRANCE

Vætusamur dagur í Montmartre hverfinu. Un jour pluvieux à Montmartre, París, 31.október 1963. Ministère de la Culture – France / Médiathèque de l´Architecture et du Patrimoine / Dist.Rmn © Donation André Kertész

Fimmtudagskvöldið 26.nóvember n.k. verður haldinn viðburðurinn MA FRANCE í tengslum við sýninguna André Kértész Frakkland – landið mitt / Ma France. Boðið verður upp á ljóðalestur og tónleika. Sigurður Pálsson rithöfundur les upp ljóð í anda sýningarinnar og svo verður boðið upp á tónleika harmonikkutríósins Tríó Vadim Fedorov sem spilar franska musett- og valssveiflu í bland við heims- og jazztónlist. Auk harmonikkuleikarans Vadims Fedorov er tríóið skipað þeim Gunnari Hilmarssyni gítarleikara og Leifi Gunnarssyni á kontrabassa. Viðburðurinn er skipulagður í samstarfi við Franska sendiráðið og Alliance Francaise og er einnig á dagskrá verkefnisins Ljómandi borg sem stendur yfir í vetur hjá Reykjavíkurborg.

KVIKMYNDASÝNINGAR

MA FRANCE

Í tengslum við sýninguna André Kertész – Frakkland – landið mitt / Ma France
bjóða Ljósmyndasafn Reykjavíkur og Alliance Française ykkur auka glaðning, að koma á safnið og sjá 25 stuttmyndir og eina aðeins lengri mynd um París. Allar myndirnar eru með enskum texta.

Staðsetning / Place: Ljósmyndasafn Reykjavíkur 6.hæð
Tími og dagsetningar / Time and date: 15:00, 7. og 14. nóvember 2009.
AÐGANGUR ÓKEYPIS / FREE ADMISSION

Laugardaginn 7.nóvember:

Tvær stuttmyndir eftir Agnès Varda,
"Les dites Cariatides" (12 mín)
"Les fiancées du Pont Mac Donald". (5 mín)

"Paris, je t'aime": Ást í augum 21 leikstjóra sem reyna að ná fram ást í öllum hverfum Parísaborgar. Stuttmyndir eftir Gus Van Sant, Joel og Ethan Coen, Wes Craven og Walter Salles m.a. Hver mynd er 5 – 9 mínútur að lengd.

Laugardaginn 14.nóvember:

"Quai Bourbon" (1986),(6.mín). Signa séð með aðstoð ljósmynda Charles Nègre.
"Au père-Lachaise“ (1986), (13.mín) Ljóðræn gönguferð á stígum hins mikilfenglega kirkjugarðs í austurhluta Parísarborgar.

"Le Ballon Rouge" eftir Albert Lamorrisse (34.min)

“Rauða blaðran” (1956), 36 mín, eftir Albert Lamorisse: meistaraverk í flokki barnakvikmynda, sem bæði börn og fullorðnir elska. Ef þú manst eftir bókinni “Rauða blaðran: sagan um hann Pascal litla” sem er myndskreytt af Baltasar Samper, þá máttu ekki missa af myndinni, sem varð innblástur fyrir bókina.
Í París á 6. áratug síðustu aldar, finnur lítill strákur stóra rauða blöðru bundna við ljósastaur. Þannig byrjar saga vináttu hans og blöðrunnar, sem eltir litla strákinn af eigin rammleik um götur Parísar...
Myndin hlaut Gullpálmann á Kvikmyndahátíðinni í Cannes árið 1957.

Samedi 7 et samedi 14 novembre, 15h.
Cinéma : « Paris à l’affiche ! »
Entrée libre.
Lieu : Musée de la Photographie de Reykjavik, 5ème étage de la Bibliothèque Municipale, Tryggvagata 15, 101 RVK

Depuis le 26 septembre, vous pouvez aller voir l´exposition de photographies d’André Kertész, « Ma France » au Musée de la photographie! Vous y découvrez un Paris en noir et blanc des années 20 et 30, et aussi des années 70 et 80.
Le Reykjavík Musée de Photographie et l ’Alliance Française vous invite à prolonger le plaisir en allant voir au musée 25 courts métrages et un moyen métrage sur Paris – tous les films sont sous-titrés en anglais.

Programme du samedi 7 novembre:

Deux courts métrages d’Agnès Varda,
"Les dites Cariatides", (1984), 12 mns.
"Les fiancées du Pont Mac Donald", (1961), 5 mns.

"Paris, je t'aime", (2006): Paris et l’amour vu par 21 réalisateurs. Découvrez les quartiers de Paris et les histoires d’amour qui s’y déroulent. Chaque court métrage dure entre 5 et 9 mns. Entre autres réalisateurs:Gus Van Sant, les frères Coen, Wes Craven ou Walter Salles.

Programme du samedi 14 novembre:

“Quai Bourbon” (1986), 6mns: une vision de la Seine à partir des photographies de Charles Nègre.
“Au Père-Lachaise” (1986), 13mns: une promenade poétique dans les allées du grand cimetière de l’Est parisien.

“Le Ballon Rouge” (1956), 36mns, par Albert Lamorisse: un chef d’oeuvre du film pour enfants qui séduira tout autant les adultes. Si vous connaissez le livre“Rauda Bladran: sagan um hann Pascal litla” illustré par Baltasar Samper, vous serez heureux de découvrir le film qui l’a inspiré.
Dans le Paris des années 50, un petit garçon trouve un gros ballon rouge accroché à un réverbère. Commence alors une histoire d'amitié avec ce ballon qui suit de lui-même le petit garçon dans les rues de Paris...
Ce film a reçu la Palme d’Or au Festival de Cannes en 1957.

Fimmtudaginn 8.október opnaði sýningin HEIMA - HEIMAN í Edinborgarhúsinu á Ísafirði en þetta er annar áfangastaðurinn á ferð hennar um landið og mun sýningin því halda áfram að vekja athygli á fjölmenningu á Íslandi. Sýningin á Ísafiriði er unnin í samvinnu við Rauða Kross Íslands, Rætur – félag áhugafólks um menningarfjölbreytni og menningarmiðstöðina Edinborg.

Á sumardaginn fyrsta, þann 23 apríl, verður opið hús frá kl. 14 – 17 í nýjum heimkynnum Rauða Krossins að Skólabraut 25a á Akranesi. Um leið verður sýningin HEIMA - HEIMAN opnuð en Akranes er fyrsti áfangastaðurinn á ferð hennar um landið og mun sýningin því halda áfram að vekja athygli á fjölmenningu á Íslandi.

Sýningin Heima – Heiman var sett upp í Ljósmyndasafni Reykjavíkur sl. haust og stóð hún fram í janúar en höfundar hennar eru þær Katrín Elvarsdóttir ljósmyndari og Sigrún Sigurðardóttir menningarfræðingur.

Á sýningunni hittum við fyrir ólíka einstaklinga sem allir eiga það sameiginlegt að hafa þurft að flýja heimkynni sín. Flestir hafa þeir þurft að yfirgefa heimaland sitt vegna stríðsátaka. Sumir hafa leitað skjóls í flóttamannabúðum – aðrir hafa flúið land úr landi – en allir eiga þeir sameiginlegt að hafa að lokum komið hingað til Íslands og búið sér hér nýtt heimili.

Heima – Heiman gefur innsýn í líf flóttamanna og hælisleitenda sem komið hafa til Íslands á síðustu árum og áratugum. Á ljósmyndum Katrínar Elvarsdóttur ganga þeir til móts við okkur. Þeir sýna okkur hverjir þeir eru - en við getum aðeins gert okkur í hugarlund hvað þeir hafa fram að færa, hvaða sögu þeir hafa að geyma. Engu að síður veita þeir okkur aðgang að tilfinningum sínum. Við skynjum brot af sögu þeirra og tilfinningum í gegnum einn einstaka hlut sem fylgt hefur þeim frá gamla heimalandinu og hingað heim.

Brot af sögu þeirra er jafnframt miðlað með texta sem unninn er upp úr viðtölum Sigrúnar Sigurðardóttur við hælisleitendur og flóttamenn á Íslandi. Á hljóðupptöku sem er hluti af sýningunni getum við hlustað á einstaka flóttamenn segja frá reynslu sinni. Þeir leitast við að koma upplifunum sínum í orð, finna þeim stað í tungumálinu. Flest vitum við hversu erfitt getur verið að miðla flókinni atburðarrás og djúpum tilfinningum með orðum einum saman. Þegar orðin sem við þurfum að nota eru þar fyrir utan framandi tungumál, getur verkefnið orðið næstum óyfirstíganlegt. Þess vegna er enn mikilvægara að við leggjum vel við hlustir. Að við bæði horfum og hlustum.

Katrín Elvarsdóttir ljósmyndari á að baki farsælan og fjölbreyttan feril sem ljósmyndari. Hún lauk B.F.A. prófi frá Art Institute of Boston árið 1993 og hefur síðan þá haldið fjölda einkasýninga á Íslandi, í Bandaríkjunum og í Danmörku, nú síðast í Gallerí Ágúst þar sem sýning hennar Margsaga opnaði í ágúst síðastliðnum. Katrín er einn af stofnfélögum í Félagi íslenskra samtímaljósmyndara.

Sigrún Sigurðardóttir er menningarfræðingur og hefur sérhæft sig í rannsóknum á ljósmyndum og þýðingu þeirra fyrir upplifun og skilning fólks á veruleikanum í fortíð og nútíð. Sigrún vinnur nú að ljósmyndarannsókn á Þjóðminjasafninu auk þess sem hún kennir við Listaháskóla Íslands.


ALLUR ÁGÓÐI AF SÖLU MYNDANNA RENNUR TIL RAUÐA KROSS ÍSLANDS

Platínu-palladíumljósmyndir Jónu Þorvaldsdóttur og ástardrykkur

föstudaginn 27 mars milli kl: 12:00 og 13:00

Annar viðburðurinn á dagskrá viðburðarraðarinnar Húmor og Amor er í boði Ljósmyndasafns Reykjavíkur en í aðalsal þess mun Jóna Þorvaldsdóttir vera með kynningu á verkum sínum og gefa gestum innsýn í gerð hins sígilda platínó-palladíum ljósmyndaprents. Einnig verður fram borinn ástardrykkur.

Óhætt er að segja að verk Jónu Þorvaldsdóttur ljósmyndara hafa nokkra sérstöðu í ljósmyndaflórunni á Íslandi í dag. Ljósmyndir af platínu-palladíum gerð eru sjaldgæfar nú á dögum en af öllum þeim aðferðum sem fundnar hafa verið upp til að framkalla myndir á pappír, allt til nýjustu uppfinninga í stafrænni tækni, hefur því verið haldið fram að hún standi öðrum fremri. Prentin eru annáluð fyrir einstök blæbrigði í tónum og skýrleika sem á sér vart hliðstæðu.

Myndheimur Jónu er draumkenndur, fullur af mýkt og rómantík. Jóna tekur myndir sínar á gamla blaðfilmuvél og notar filmur sem eru í 8x10 formati þ.e. 20x25 cm að stærð. Filmurnar framkallar hún í bökkum og kontaktprentar svo myndirnar á góðan vatnslitapappír undir útfjólubláu ljósi eða sólarljósi. Ekki er vitað til að íslenskur ljósmyndari hafi notað platínu-palladíum aðferðina við kóperingu frá því að ljósmyndarinn Pétur Brynjólfsson (1881-1930) notaði hana fram að fyrri heimsstyrjöld. Það er því sérstaklega ánægjulegt að ljósmyndarar hafi metnað og áhuga á að viðhalda gamalli ljósmyndunaraðferð sem þessari.

Jóna Þorvaldsdóttir lærði ljósmyndun við European Institute of Photography í Póllandi á árunum 1997-2000. Hún hefur búið víðsvegar um heim og hefur sótt fjölda námskeiða í ljósmyndun m.a. "Handmade photograph" námskeið hjá Elisabeth Opalenik í The Workshops, Maine árið 2001, námskeið hjá Mary Ellen Mark í Mexikó árið 2006 og nú síðast "Introduction to alternative process" námskeið hjá Brenton Hamilton í The Workshops, Maine árið 2008.

Nánar á bloggi Ljósmyndasafns Reykjavíkur: og á heimasíðu Jónu

Húmor og Amor er verkefni á vegum menningarstofnana Reykjavíkurborgar, Þjónustumiðstöðvar Miðborgar og Hlíða, Ungmennaráðs Miðborgar og Hlíða, Alþjóðahúss og Hins Hússins. Markmiðið er að fagna margbreytileika mannlífsins og leggja áherslu á það sem tengir fólk saman, þvert á ólíka hópa samfélagsins. Ýmsar húmorískar uppákomur og kærleiksríkir viðburðir verða á döfinni á vegum þessara safna og stofnana út árið. Nánari dagskrá

Bjargey Ólafsdóttir ljósmyndari hefur verið tilnefnd til hinna virtu Leopold Godowsky, Jr. Color Photography Awards fyrir sýningu sína TÍRU sem nú stendur yfir í Ljósmyndasafni Reykjavíkur. Verðlaunin voru sett á laggirnar til að heiðra Leopold Godowsky Jr. sem var einn þeirra sem fann upp Kodachrome filmuna og hefur tilkoma hennar haft gríðarmikil og varanleg áhrif í ljósmyndun. Tilgangurinn með þessum alþjóðlegu verðlaunum, sem voru fyrst veitt árið 1987, er að verðlauna framúrskarandi framlag á sviði samtíma litljósmyndunar og er valið úr tilnefningum frá virtum alþjóðlegum hópi sýningarstjóra, gagnrýnanda, ritstjóra og fagfólks á sviði ljósmyndakennslu. Meðal þeirra sem hafa hlotið verðlaunin eru Yinka Shonibare frá Nígeríu, Alex Webb, New York og Paul Seawright frá Norður-Írlandi.

Hluti sýningarinnar Flickr-flakk og heljarstökk var sýndur á kvikmyndahátiðinni Film Insulaire í Groix í Frakklandi sem haldin var þann 20-24 ágúst sl. Þetta árið var dagskráin tileinkuð Íslandi en á á opnunarkvöldi hátíðarinnar var gríðarstór myndvarpasýning utandyra með völdum myndum af sýningunni sem ríflega 800 boðsgestir nutu í sumarblíðunni.

SÝNING VIGGÓS MORTENSEN / VIGGO MORTENSEN´S EXHIBITION

Þeir sem vilja komast á póstlista til að fá upplýsingar varðandi sýningu Viggós Mortensen
er velkomið að senda tölvupóst á: Fréttatilkynningar Ljósmyndasafnsins - frettatilkynningar@reykjavik.is og ykkur mun verða bætt á listann.

For the ones who are interested in receiving news about Viggo Mortensen´s exhibition, please send an E-mail to The Photomuseums Press releases email address: frettatilkynningar@reykjavik.is and you will be added to the list.

SÖGUGÖNGUR Í REYKJAVÍK Á AÐVENTU

Námsbraut í hagnýtri menningarmiðlun við Háskóla Íslands og Ljósmyndasafn Reykjavíkur bjóða upp á sögugöngur í Reykjavík á aðventunni. Farið verður í fjórar göngur, helgarnar 8.-9. og 15.-16. desember. Gengið verður um Hlíðarnar, Laugarnesið, Smáíbúðahverfið og Rauðarárholt. Göngurnar hefjast allar kl. 11:00 og standa í um það bil klukkustund. Í sögugöngunum verða sýndar gamlar myndir úr hverfunum.

Sögugangan um Hlíðarnar er laugardaginn 8. desember og nefnist „Kaupmaðurinn á horninu og heimavinnandi húsmæður“. Gangan hefst kl. 11:00 við Þóroddsstaði Skógarhlíð 22. Leiðsögumenn eru þær Ása María Valdimarsdóttir og Ragnheiður Jósúadóttir MA-nemar í hagnýtri menningarmiðlun. Í göngunni verða sýndar gamlar myndir úr hverfinu og m.a. sagt frá erfðafestulöndum á svæðinu, búskap, skólahaldi, kaupmanninum á horninu og daglegu lífi í hverfinu á 6. og 7. áratugnum.

Sögugangan um Laugarnesið er sunnudaginn 9. desember og nefnist „Sagnabrunnurinn Laugarnes“. Gangan hefst kl. 11:00 fyrir framan gömlu Laugarnesskólabygginguna við Reykjaveg. Leiðsögumenn eru þær Kristín Jónsdóttir MA-nemi í hagnýtri menningarmiðlun og Særún Samúelsdóttir MA-nemi í menningarstjórnun. Gengið verður um Hrísateig, Laugalæk, Kirkjusand og Laugarnestangann og samferðamönnum gefst tækifæri á að birgja af sagnabrunni Laugarnessins og sjá gamlar myndir úr hverfinu.

Helgina 15.-16. desember verður gengið um Smáíbúðahverfið og Rauðarárholt. Göngurnar hefjast kl. 11:00 og standa í um það bil klukkustund.
Í sögugöngunum verða sýndar gamlar myndir úr hverfunum.

Sögugangan um Smáíbúðahverfið er laugardaginn 15. desember og nefnist „Smáíbúðahverfið - sjálfsbjargarstefna í húsnæðismálum“.
Gangan hefst kl.11:00 við hús nr. 69 við Sogaveg (miðja vegu á milli Grensásvegar og Réttarholtsvegar). Leiðsögumenn eru þau Magnús Aspelund MA-nemi í hagnýtri
menningarmiðlun og Sara Valdimarsdóttir M.Ed.-nemi í uppeldis- og menntunarfræði. Í göngunni verða sýndar gamlar myndir úr hverfinu og m.a. sagt frá sveitabúskap á svæðinu sem víkur smám saman fyrir íbúðahverfi sem var eins og sérstætt þorp aðgreint frá sjálfri borginni.

Sögugangan um Rauðarárholt er sunnudaginn 16. desember og nefnist „Úr sveit
í borg“. Gangan hefst kl. 11:00 á horni Einholts og Háteigsvegar þar sem
gamla Ofnasmiðjan/Rými eru til húsa. Leiðsögumenn eru þær Sigurlaug Þ.
Ragnarsdóttir og Helga Hallbergsdóttir MA-nemar í hagnýtri menningarmiðlun.
Í göngunni verða sýndar gamlar myndir úr hverfinu. Rölt verður um söguslóðir
Sunnuhvols, Háteigs, Englaborgar, Klambra og rifjaðir upp leikir krakkanna í
Stórholtinu.

ÚTLÁN BÓKA

Í Ljósmyndasafni Reykjavíkur er að finna sérfræðibókasafn um ljósmyndun og ljósmyndatengd efni ásamt fjölda fagtímarita. Nú er hægt að fá bækur til útláns í gegnum bókasafnskerfið GEGNI.